Nýtt lag frá Paul McCartney

Fyrrverandi bítillinn og sjarmörinn Paul McCartney hefur nú sent frá sér nýja smáskífu sem heitir einfaldlega New og verður á samnefndri plötu hans sem kemur út 15. október næstkomandi.

Sex ár eru liðin síðan McCartney gaf síðast út sólóplötu en þá sendi hann frá sér plötuna Memory Almost Full.

Lagið New var pródúserað af meistaranum Mark Ronson, sem þeytti skífum í brúðkaupi McCartneys og konu hans Nancy Shevall árið 2011. Fréttir herma að lagið sé ljúft og frekar hefðbundið McCartney-lag þar sem hann syngur meðal annars um frelsi mannsins til að gera það sem honum sýnist.