Hjaltalín með plötu ársins

Hjaltalín á plötu ársins, Enter 4, og Háa C með Moses Hightower er lag ársins hjá blaðinu Reykjavík Grapevine, sem veitti fyrir skömmu sín fyrstu tónlistarverðlaun.

Í dómnefnd var útvarpsmaðurinn Andri Freyr Viðarsson, Kamilla Ingibergsdóttir hjá Iceland Airwaves og Robert Cluness, tónlistarblaðamaður hjá Grapevine. Gusgus var kjörin besta tónleikasveitin, Skúli Sverrisson og Óskar Guðjónsson áttu vanmetnustu plötu ársins (The Box Tree) og Muck var valin sú sveit sem þarf að fylgjast með árið 2013. Botnleðja hlaut titilinn "Hljómsveit sem vert er að muna!".