Bílar

Ford Mondeo með sæti úr kókflöskum

Finnur Thorlacius skrifar
Flott kókflöskusætin í Ford Mondeo.
Flott kókflöskusætin í Ford Mondeo.
Með ýmsum hætti er hægt að vera umhverfisvænn og bílafyrirtækin láta ekki sitt á eftir liggja. Einnig er það vel við hæfi að sætin í hinum umhverfisvæna Ford Mondeo Plug-in Hybrid skuli vera úr umhverfisvænum efnum, nánar tiltekið endurunnum kókflöskum. Samt eru þau ári flott.

Endurunnu kókflöskurnar eru reyndar lika í hliðarklæðningum bílsins og teppum og hjálpa þar mikið við að deyfa veghljóð. Þetta er í fyrsta skiptið sem endurunnar kókflöskur eru notaðar í bílaframleiðslu og kemur það kannski ekki svo mikið á óvart. Ford segir að þetta sé enn eitt skrefið sem fyrirtækið tekur í átt umhverfisverndar.

Sojabaunafroða er einnig notuð í stað svamps í setur sæta bílsins og hefur Ford reyndar gert slíkt frá árinu 2007. Ford segir að notkun kókflaskanna og sojabaunafroðunnar spari margan hráolíulítrann og ef að allir Ford bílar framleiddir í Bandaríkjunum notuðust við slíkt myndu sparast 1,12 milljónir lítra af hráolíu. Hvað þá ef allir bílaframleiðendur heims myndu gera slít hið sama!

Mest lesið




×

Mest lesið