"Ég læt þetta ekki pirra mig"

Anton Sveinn McKee, sundkappi úr Ægi, var ekki fullkomlega sáttur með frammistöðu sína í 800 metra skriðsundi á HM í Barcelona í morgun.

„Ég byrjaði vel og mér leið vel í lauginni. En svo þyngdist þetta," sagði Anton Sveinn í viðtali á heimasíðu Sundsambandsins.

Anton Sveinn synti metrana átta hundrað á 8:08,81 mínútum sem er aðeins 62/100 frá rúmlega árs gömlu Íslandsmeti hans.

„En ég læt þetta ekki pirra mig," sagði Anton sem keppir í 200 metra bringusundi á fimmtudag og 400 metra fjórsundi á sunnudag.