Hafnar 50 lögum fyrir næstu plötu

Beyoncé ákvað að hafna 50 lögum sem samin höfðu verið fyrir fimmtu plötu hennar og byrja algjörlega upp á nýtt.

Upptökustjórar Colombia Records vonuðust til þess að plata söngkonunnar yrði klár í byrjun sumars en óttast þeir nú að nýja efnið verði ekki klárt fyrr en á næsta ári.

Margir þekktir lagahöfundar voru búnir að semja lög fyrir söngkonuna en þar má meðal annars nefna The-Dream, Ryan Tedder, Sia og Diane Warren. Beyoncé ákvað hins vegar að henda öllu efninu og byrja upp á nýtt.

Beyoncé nýtur gríðarlegra vinsælda um heim allan en hún hefur undanfarið kynnt plötu sína "4" á tónleikaferðalagi víða um heim.

Platan seldist hins vegar ekki vel í Bandaríkjunum en þar seldust aðeins 1,4 milljónir eintaka, sem þykir ekki gott fyrir söngkonu af þessari stærðargráðu.

Talsmaður Beyoncé gaf það út í gær að söngkonan væri að vinna að nýju efni um þessar mundir en að aldrei hefði verið gengið frá neinum útgáfudegi plötunnar.

Nánari umfjöllun má lesa inn á vefsíðu The Guardian.