Umfjöllun og viðtöl: ÍBV - HB 1-1 Guðmundur Tómas Sigfússon í Vestmannaeyjum skrifar 4. júlí 2013 18:45 Hermann Hreiðarsson. Mynd/Daníel Færeyingarnir í HB frá Þórshöfn náðu að skora mikilvægt útivallarmark og tryggja sér 1-1 jafntefli á móti ÍBV í Vestmannaeyjum í kvöld þegar liðin mættust í forkeppni Evrópudeildarinnar. Gunnar Már Guðmundsson kom ÍBV í 1-0 í fyrri hálfleiknum en Johan Troest Davidsen jafnaði metin á 65. mínútu. Eyjamenn voru miklu mun betri í fyrri hálfleiknum og þá allra helst fyrstu mínútur leiksins þar sem þeir sundurspiluðu Færeyingana hvað eftir annað. Flott samspil Arnórs Eyvars Ólafssonar og Ian Jeffs skilaði svo marki á 16. mínútu leiksins þegar að Gunnar Már Guðmundsson fékk alltof mikinn tíma inni í teig andstæðinganna sem að hann nýtti til fulls. Eftir mark Eyjamanna var eins og slökkt hefði verið á þeim en þá drógu þeir sig aðeins neðar á völlinn sem hleypti HB aftur inn í leikinn. Hálfleiksræða Hermanns Hreiðarssonar virtist vera að skila árangri en hans menn gáfu heldur betur í eftir að flautað hafði verið til leiks í seinni hálfleik og bjuggu til enn fleiri færi. En eins og í fyrri hálfleik þá missti liðið tökin á leiknum og Færeyingarnir fóru að koma boltanum meira á framherja sína, sem sóttu aukaspyrnur inni á vallarhelmingi Eyjamanna. Ein slík aukaspyrna skilaði loks árangri á 65. mínútu þegar að hárnákvæm fyrirgjöf Christian Mouritsen fór á kollinn á Johan Troest Davidsen sem kom boltanum framhjá David James í markinu. Dökkklæddir leikmenn HB virtust vera nokkuð ánægðir með stöðuna því þeir tóku upp á því að tefja við hvert einasta tækifæri það sem eftir var og náðu að stöðva sóknaraðgerðir Eyjamanna og ganga stoltir af velli með útivallarmark, sem gæti verið nóg til þess að fleyta þeim áfram í næstu umferð. Gunnar Már Guðmundsson: Þetta var gríðarlega svekkjandi„Þetta var gríðarlega svekkjandi, við áttum að klára þá í fyrri hálfleik þar sem við fáum tækifæri til þess sem við nýtum ekki,“ sagði Gunnar Már Guðmundsson markaskorari Eyjamanna í leiknum í kvöld gegn HB frá Færeyjum. Gunnar sagði markið hafa verið gríðarlegt kjaftshögg og hélt áfram og sagði: „Það vita allir hvað mark á útivelli telur mikið í svona keppni,“ sagði Gunnar Már en Færeyingar skoruðu jöfnunarmarkið nokkuð gegn gangi leiksins þegar um 25 mínútur voru eftir. „Við vorum búnir að horfa á myndbönd og vissum hvernig þeir myndu spila og þeir eiga bara eitt færi í leiknum. Eftir að við fáum markið á okkur þá dettur okkar leikur niður en við verðum bara að girða okkur í brók og taka þá á útivelli,“ sagði Gunnar sem er nokkuð bjartsýnn fyrir útileiknum en hann verður leikinn eftir slétta viku á gervigrasi í Færeyjum. Hermann Hreiðarsson: Þetta var aldrei aukaspyrna„Þeir sem horfa á þennan leik og skilja fótbolta þeir vita það alveg að við áttum að ganga frá þessari umferð í dag,“ sagði Hermann Hreiðarsson svekktur í leikslok eftir jafntefli sinna manna gegn HB frá Þórshöfn í fyrstu umferð undankeppni Evrópudeildarinnar. Eyjamenn fengu á sig jöfnunarmarkið eftir nokkuð ódýra aukaspyrnu sem dæmd var á Brynjar Gauta Guðjónsson, Hermann hafði þetta um málið að segja: „Þetta var aldrei aukaspyrna og þetta voru dýr mistök hjá dómaranum.“ „Við fáum færi til að skora 4-5 mörk og þessi umferð á að vera frágengin, en þetta jöfnunarmark er rosalegt kjaftshögg því þeir eru ekkert búnir að reyna á okkur og við erum með þennan leik í okkar höndum,“ sagði Hermann Hreiðarsson sem vildi einnig hrósa sínum mönnum fyrir flottan fótbolta sem sást á köflum í dag þar sem Eyjamenn tættu Færeyingana í sig. Fróði: Við erum ekki vanir því að spila á grasi„Auðvitað vildum við vinna en þetta eru nokkuð ásættanleg úrslit því núna eigum við útivallarmarkið og heimavöllinn eftir,“ sagði Fróði Benjaminsen fyrirliði HB Tórshavn eftir 1-1 jafntefli sinna manna gegn sterkum Eyjamönnum í dag. „Við byrjuðum illa, nokkrir af okkar leikmönnum runnu á vellinum því við erum ekki vanir að spila á grasi. Þeir byrjuðu mun betur en við sóttum í okkur veðrið og seinni hálfleikurinn var allt í lagi,“ sagði Fróði en Eyjamenn spiluðu mun betur í fyrri hálfleiknum og voru óheppnir að vera ekki búnir að setja fleiri mörk. „ÍBV er líkamlega sterkara lið heldur en liðin sem eru í færeysku deildinni og við vissum það fyrir leikinn. Þeir eru með leikmenn sem eru líkamlega sterkir en einnig með leikmenn sem eru snöggir,“ sagði Fróði að lokum sem getur prísað sig sælan með 1-1 jafntefli og útivallarmark fyrir heimaleikinn sem verður í næstu viku. Evrópudeild UEFA Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira
Færeyingarnir í HB frá Þórshöfn náðu að skora mikilvægt útivallarmark og tryggja sér 1-1 jafntefli á móti ÍBV í Vestmannaeyjum í kvöld þegar liðin mættust í forkeppni Evrópudeildarinnar. Gunnar Már Guðmundsson kom ÍBV í 1-0 í fyrri hálfleiknum en Johan Troest Davidsen jafnaði metin á 65. mínútu. Eyjamenn voru miklu mun betri í fyrri hálfleiknum og þá allra helst fyrstu mínútur leiksins þar sem þeir sundurspiluðu Færeyingana hvað eftir annað. Flott samspil Arnórs Eyvars Ólafssonar og Ian Jeffs skilaði svo marki á 16. mínútu leiksins þegar að Gunnar Már Guðmundsson fékk alltof mikinn tíma inni í teig andstæðinganna sem að hann nýtti til fulls. Eftir mark Eyjamanna var eins og slökkt hefði verið á þeim en þá drógu þeir sig aðeins neðar á völlinn sem hleypti HB aftur inn í leikinn. Hálfleiksræða Hermanns Hreiðarssonar virtist vera að skila árangri en hans menn gáfu heldur betur í eftir að flautað hafði verið til leiks í seinni hálfleik og bjuggu til enn fleiri færi. En eins og í fyrri hálfleik þá missti liðið tökin á leiknum og Færeyingarnir fóru að koma boltanum meira á framherja sína, sem sóttu aukaspyrnur inni á vallarhelmingi Eyjamanna. Ein slík aukaspyrna skilaði loks árangri á 65. mínútu þegar að hárnákvæm fyrirgjöf Christian Mouritsen fór á kollinn á Johan Troest Davidsen sem kom boltanum framhjá David James í markinu. Dökkklæddir leikmenn HB virtust vera nokkuð ánægðir með stöðuna því þeir tóku upp á því að tefja við hvert einasta tækifæri það sem eftir var og náðu að stöðva sóknaraðgerðir Eyjamanna og ganga stoltir af velli með útivallarmark, sem gæti verið nóg til þess að fleyta þeim áfram í næstu umferð. Gunnar Már Guðmundsson: Þetta var gríðarlega svekkjandi„Þetta var gríðarlega svekkjandi, við áttum að klára þá í fyrri hálfleik þar sem við fáum tækifæri til þess sem við nýtum ekki,“ sagði Gunnar Már Guðmundsson markaskorari Eyjamanna í leiknum í kvöld gegn HB frá Færeyjum. Gunnar sagði markið hafa verið gríðarlegt kjaftshögg og hélt áfram og sagði: „Það vita allir hvað mark á útivelli telur mikið í svona keppni,“ sagði Gunnar Már en Færeyingar skoruðu jöfnunarmarkið nokkuð gegn gangi leiksins þegar um 25 mínútur voru eftir. „Við vorum búnir að horfa á myndbönd og vissum hvernig þeir myndu spila og þeir eiga bara eitt færi í leiknum. Eftir að við fáum markið á okkur þá dettur okkar leikur niður en við verðum bara að girða okkur í brók og taka þá á útivelli,“ sagði Gunnar sem er nokkuð bjartsýnn fyrir útileiknum en hann verður leikinn eftir slétta viku á gervigrasi í Færeyjum. Hermann Hreiðarsson: Þetta var aldrei aukaspyrna„Þeir sem horfa á þennan leik og skilja fótbolta þeir vita það alveg að við áttum að ganga frá þessari umferð í dag,“ sagði Hermann Hreiðarsson svekktur í leikslok eftir jafntefli sinna manna gegn HB frá Þórshöfn í fyrstu umferð undankeppni Evrópudeildarinnar. Eyjamenn fengu á sig jöfnunarmarkið eftir nokkuð ódýra aukaspyrnu sem dæmd var á Brynjar Gauta Guðjónsson, Hermann hafði þetta um málið að segja: „Þetta var aldrei aukaspyrna og þetta voru dýr mistök hjá dómaranum.“ „Við fáum færi til að skora 4-5 mörk og þessi umferð á að vera frágengin, en þetta jöfnunarmark er rosalegt kjaftshögg því þeir eru ekkert búnir að reyna á okkur og við erum með þennan leik í okkar höndum,“ sagði Hermann Hreiðarsson sem vildi einnig hrósa sínum mönnum fyrir flottan fótbolta sem sást á köflum í dag þar sem Eyjamenn tættu Færeyingana í sig. Fróði: Við erum ekki vanir því að spila á grasi„Auðvitað vildum við vinna en þetta eru nokkuð ásættanleg úrslit því núna eigum við útivallarmarkið og heimavöllinn eftir,“ sagði Fróði Benjaminsen fyrirliði HB Tórshavn eftir 1-1 jafntefli sinna manna gegn sterkum Eyjamönnum í dag. „Við byrjuðum illa, nokkrir af okkar leikmönnum runnu á vellinum því við erum ekki vanir að spila á grasi. Þeir byrjuðu mun betur en við sóttum í okkur veðrið og seinni hálfleikurinn var allt í lagi,“ sagði Fróði en Eyjamenn spiluðu mun betur í fyrri hálfleiknum og voru óheppnir að vera ekki búnir að setja fleiri mörk. „ÍBV er líkamlega sterkara lið heldur en liðin sem eru í færeysku deildinni og við vissum það fyrir leikinn. Þeir eru með leikmenn sem eru líkamlega sterkir en einnig með leikmenn sem eru snöggir,“ sagði Fróði að lokum sem getur prísað sig sælan með 1-1 jafntefli og útivallarmark fyrir heimaleikinn sem verður í næstu viku.
Evrópudeild UEFA Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira