Bílar

Porsche 911 Turbo er 2,9 sekúndur í 100

Finnur Thorlacius skrifar
40 ár eru liðin frá komu fyrsta Porsche 911 Turbo.

Porsche heldur nú uppá 40 ára afmæli Porsche 911 Turbo bílsins með því að kynna nýjustu kynslóð hans. Þar fer enginn aumingi því öflugri gerð hans, 911 Turbo S er ekki nema 2,9 sekúndur í hundraðið og með hámarkshraða uppá 318 km/klst, enda með 560 hestöfl til taks.

Aflminni útfærsla bílsins sem ekki skartar ekki S í nafninu er “bara” 520 hestöfl og fer sprettinn í hundrað á 3,2 sekúndum, sem dugar líklega flestum. Sá öflugri fer Nürburgring brautina á undir sjö og hálfri mínútu. Báðir bílarnir eru útbúnir 7 gíra PDK sjálfskiptingu með tveimur kúplingum.

Skiptingin sú er í raun tvær samsettar skiptingar þar sem önnur þeirra er með oddatölugírana en hin jafntölugírana og bakkgírinn. Með því móti er tryggð svo hröð skipting að fyrir því finnst ekki og skiptinga milli gíra teljast í nanosekúndum. Bílarnir eru með stop/start tækni og eyðsla þeirr lækkar verulega frá síðustu kynslóð. Porsche 911 Turbo kemur á markað á seinni hluta ársins.

Mest lesið




×

Mest lesið