Jón Arnar hættur með ÍR

Jón Arnar Ingvarsson er hættur sem þjálfari liðs ÍR í Domino's-deild karla. Liðið situr á botni deildarinnar eftir fjórtán umferðir.

Þetta kom fram á karfan.is. ÍR-ingar höfðu miklar væntingar til tímabilsins en liðinu hefur þó ekki gengið sem skyldi.

Liðið tapaði fyrir Njarðvík á heimavelli á fimmtudagskvöldið og var það sjött tapleikur ÍR í deildinni í röð.

Hann tók við liðinu í apríl á síðasta ári en hafði einnig þjálfað liðið frá 2006 til 2009.

Steinar Arason mun stýra liðinu þar til að nýr þjálfari verður ráðinn.