Ofurfyrirsæta sendir frá sér undirfatalínu

Victoria's Secret engillinn og ofurfyrirsætan Rosie Huntington-Whiteley sendir frá sér sína fjórðu nærfatalínu fyrir verslunarkeðjuna Marks & Spencer í febrúar. Línan, sem ber heitið Rosie for Autograph, hefur notið gífurlegra vinsælda og varð sú mest selda hjá verslunarkeðjunni frá upphafi.

Það bíða því margir spenntir eftir því sem koma skal, en Rosie segir línuna vera innblásna af vintage nærfötum og skartgripum sem hún hafði fundið á flóamörkuðum í París, London og Los Angeles. Einnig segist hún hafa það að markmiði að fatnaðurinn eigi að hæfa konum af öllum stærðum og gerðum, en línan á að koma út í tæka tíð fyrir Valentínusardag.



Hér má sjá myndband af nýju línunni þar sem Rosie situr að sjálfsögðu sjálf fyrir: