H2Og – fyrir lífið Sigurður Árni Þórðarson skrifar 29. október 2012 06:00 Hvað var í kringum þig þegar þú varst fóstur í móðurkviði? Það var vatn. Þú svamlaðir og fórst kollhnísa í legvökva. Hátíðnihljóðin, sem bárust eyrum þínum alla daga, voru frá hinu hraða rennsli blóðsins, vökvans, í æðum móður þinnar og í takti við slátt hjartans sem dældi. Svo þegar legvatnið fór var ekki lengur hægt að lifa inni í mömmu – þá fæddist þú. Þegar þú varst komin(n) í heiminn varstu þrifin(n) í vatni. Síðan varstu baðaður eða lauguð í vatni. Móðurmjólkin var að mestu vatn. Þú varst og ert vatnsósa. Svo héldu elskuarmar á þér við skírnarlaug. Glitrandi vatnið úr fontinum var borið að kollinum þínum og orðin um föður, son og heilagan anda voru nefnd með nafninu þínu. Síðan hefur vatnssagan haldið áfram. Þú hefur verið í vatni og notið vatns. Í þér er mikið vatn, sem hefur lengi verið til, jafnvel tugi milljóna ára. Það hefur farið um líkama fiska, sóleyja, trjáa, tígrisdýra, snigla og jafnvel risaeðla. Það hefur borist um allan heim, verið í Jórdan, íslenskum jökulám, í Kyrrahafinu, Dauðahafinu og Gvendarbrunnakrönum. Meðan þú lifir finnur þú fyrir vatnsbúskap líkama þíns. Vatnið er lífinu nauðsynlegt. Líf okkar slokknar ef vatnið hverfur eða fúlnar. Vatnið er samhengi og forsenda og okkar er að helga það og vernda. Vatnsskortur herjar víða í veröldinni og þess vegna megum við gjarnan styðja Hjálparstarf kirkjunnar við að gera brunna á þurrkasvæðum. Víða er til nóg vatn en það er óhæft til drykkjar vegna mengunar. Sjór og vötn eru víða svo illa spillt, að fólk getur ekki farið út í vatnið til að baða sig, hvað þá lotið niður og drukkið. Meira en einn milljarður manna hefur ekki aðgang að nægu og hreinu vatni. Ýmsum tegundum platna, skordýra og dýra er ógnað vegna vatnsmengunar, uppistöðulóna og námavinnslu. Kristin kirkja lætur sig varða velferð og líf fólks. Fermingarungmenni munu næstu daga ganga í hús og safna fé til stuðnings vatnsþurfandi fólki í Afríku. Takið þeim vel því þau safna fyrir Hjálparstarf kirkjunnar. Í gær lauk landsmóti æskulýðsfélaga kirkjunnar undir yfirskriftinni H2Og. Þar voru meira en sex hundruð ungmenni sem styðja hjálparátak í vatnsmálum í Malaví. Margt smátt gerir gagn. Við Íslendingar erum rík því við njótum hreins vatns. Bensín og olía eru mikilvæg fyrir lífsþægindi en vatn er enn mikilvægara. Það er forsenda lífsins. Brunnar bjarga! Viltu birta grein á Vísi? Sendu okkur póst. Senda grein Sr. Sigurður Árni Þórðarson Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun
Hvað var í kringum þig þegar þú varst fóstur í móðurkviði? Það var vatn. Þú svamlaðir og fórst kollhnísa í legvökva. Hátíðnihljóðin, sem bárust eyrum þínum alla daga, voru frá hinu hraða rennsli blóðsins, vökvans, í æðum móður þinnar og í takti við slátt hjartans sem dældi. Svo þegar legvatnið fór var ekki lengur hægt að lifa inni í mömmu – þá fæddist þú. Þegar þú varst komin(n) í heiminn varstu þrifin(n) í vatni. Síðan varstu baðaður eða lauguð í vatni. Móðurmjólkin var að mestu vatn. Þú varst og ert vatnsósa. Svo héldu elskuarmar á þér við skírnarlaug. Glitrandi vatnið úr fontinum var borið að kollinum þínum og orðin um föður, son og heilagan anda voru nefnd með nafninu þínu. Síðan hefur vatnssagan haldið áfram. Þú hefur verið í vatni og notið vatns. Í þér er mikið vatn, sem hefur lengi verið til, jafnvel tugi milljóna ára. Það hefur farið um líkama fiska, sóleyja, trjáa, tígrisdýra, snigla og jafnvel risaeðla. Það hefur borist um allan heim, verið í Jórdan, íslenskum jökulám, í Kyrrahafinu, Dauðahafinu og Gvendarbrunnakrönum. Meðan þú lifir finnur þú fyrir vatnsbúskap líkama þíns. Vatnið er lífinu nauðsynlegt. Líf okkar slokknar ef vatnið hverfur eða fúlnar. Vatnið er samhengi og forsenda og okkar er að helga það og vernda. Vatnsskortur herjar víða í veröldinni og þess vegna megum við gjarnan styðja Hjálparstarf kirkjunnar við að gera brunna á þurrkasvæðum. Víða er til nóg vatn en það er óhæft til drykkjar vegna mengunar. Sjór og vötn eru víða svo illa spillt, að fólk getur ekki farið út í vatnið til að baða sig, hvað þá lotið niður og drukkið. Meira en einn milljarður manna hefur ekki aðgang að nægu og hreinu vatni. Ýmsum tegundum platna, skordýra og dýra er ógnað vegna vatnsmengunar, uppistöðulóna og námavinnslu. Kristin kirkja lætur sig varða velferð og líf fólks. Fermingarungmenni munu næstu daga ganga í hús og safna fé til stuðnings vatnsþurfandi fólki í Afríku. Takið þeim vel því þau safna fyrir Hjálparstarf kirkjunnar. Í gær lauk landsmóti æskulýðsfélaga kirkjunnar undir yfirskriftinni H2Og. Þar voru meira en sex hundruð ungmenni sem styðja hjálparátak í vatnsmálum í Malaví. Margt smátt gerir gagn. Við Íslendingar erum rík því við njótum hreins vatns. Bensín og olía eru mikilvæg fyrir lífsþægindi en vatn er enn mikilvægara. Það er forsenda lífsins. Brunnar bjarga!
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun