Kláraði textann á sveitaloftinu

Ég hafði aldrei klárað textann svo mér fannst ég verða að gera það þegar það átti að fara að taka lagið upp, segir söngvarinn Jón Jónsson.

Jón verður í þætti Bubba Morthens, Beint frá býli, næstkomandi laugardag þar sem hann heldur tónleika fyrir ábúendur á sveitabænum Meðalfelli.

Þegar hann mætti í upptöku á þáttunum í upphafi sumars fannst honum tímabært að ljúka við texta lagsins All, You, I, áður en það yrði tekið upp og fékk því að bregða sér í tölvuna á bænum og rumpa textanum af.

Ég var búinn að vera að spila lagið á tónleikum síðasta vetur en bullaði þá alltaf bara textann hverju sinni. Það voru samt nokkur orð sem ég var komin með sem ég sagði alltaf aftur og aftur en annars var hann ókláraður.

Ég samdi alveg millikaflann og einhver tvö erindi þarna á sveitabænum, segir Jón.

Svo virðist sem þessi aðferð hafi gert góða hluti fyrir Jón því lagið hefur notið gríðarlegra vinsælda og er hans fyrsta lag til að komast í toppsæti vinsældarlistans.

Hver veit nema ég banki aftur uppá hjá þeim þarna á Meðalfelli næst þegar ég lendi í veseni með texta, segir Jón og hlær.

Hægt er að sjá myndbandið hér.





- trs