Bítlabrúðkaup í Vogue

Fyrirsætan og sálfræðingurinn Sólveig Káradóttir sagði frá brúðkaupi þeirra Dhani Harrison, sonar George Harrison, í nýjasta tölublaði breska Vogue. Þar segist hún meðal annars hafa gengið upp að altarinu undir lagi Led Zeppelin, The Rain Song.

Þar kemur einnig fram að athöfnin hafi farið fram utandyra á æskuheimili Harrisons, Friar Park, að viðstöddum bæði Paul McCartney og Ringo Starr. Nýbökuðu hjónin héldu svo í brúðkaupsferð til Maldíveyja og Seychelleseyja en áður en þau lögðu í hann gáfu þau sér tíma til að dansa brúðarvalsinn við lag sveitarinnar Beach Boys, Don"t Talk (Put Your Head on My Shoulder). Með greininni birtist svo brúðarmynd af Sólveigu og Dhani Harrison sem er tekin af íslenska ljósmyndaranum Sögu Sig.

- sh, - áp