Draumar sem rætast? séra Sigurður Árni Þórðarson skrifar 20. ágúst 2012 09:30 Eitt hundrað og sjötíu augu horfðu dreymandi. Spurningar hljómuðu: Hvernig viltu að líf þitt verði? Hvað langar þig til að framtíðin færi þér? Hvernig nám viltu stunda? Þú mátt velja þér fimm atriði sem þú óskar að rætist í lífi þínu. Hópur fermingarungmenna er þessa dagana á sumarnámskeiði í Neskirkju. Þau eru gagnrýnin, ærleg og óhrædd að ræða um gildi, Biblíutúlkun, samband trúar og vísinda, hlutverk Jesú og sögu hans, um skírn, altarisgöngu, ást, vonsku – já allt, sem varðar líf manna og lífslán. Síðasta fimmtudag fór ég með þeim í kirkjugarðinn við Suðurgötu í Reykjavík, Hólavallagarð. Garðurinn er friðarhöfn kynslóða, en líka sýnisstaður handverks nítjándu og tuttugustu aldar og safnstaður listaverka og einnig trjáræktarsögu höfuðborgarinnar. Mörg minningarmarkanna eru merkileg og á legsteini Ólafar frá Hlöðum er minnt á, að tárin eru mál gleði og sorgar. Fermingarungmenni eru sprelllifandi fólk vonanna. Flest þeirra eiga skyldmenni grafin í þessum garði. Unga fólkinu finnst einkennilegt að hugsa um að hin látnu voru jafn lífsglöð og þau sjálf, báru jafn mikið líf í brjósti og þau sem ganga stíga nútíðar. Í kirkjugarðinum var þetta nútímafólk sent í eingöngu, þau áttu að vera út af fyrir sig og skrifa eigin drauma um framtíðina. Hvað langar þig til að verði? Á draumablöðunum voru vonarmálin skrifuð. Sum dreymir um sigra í íþróttum og verða t.d. atvinnumenn í fótbolta. Önnur vilja gjarnan læra erlendis. Mörg vilja eignast stór hús og falleg heimili. Um tíu prósent fermingarungmenna vilja verða rík. Þetta árið vildu mörg verða lögfræðingar og læknar. Óvenjumörg vildu verða stjörnukokkar og hönnuðir. Allmörg stefndu á störf í viðskiptalífinu eða stofna eigin fyrirtæki. Mörg dreymir um að eignast hunda eða hesta. Þeim er líka umhugað um heilsu ástvina og biðja um að sleppa sjálf við áföll, krabbamein og slys. En hvað skiptir þau mestu máli, er þeim hamingjumál? Fjórðungur óskar eftir góðri menntun. Svipaður fjöldi óskar sér góðrar fjölskyldu. Og sami fjöldi talar um ósk um góðan maka. Þetta eru óskir um gott líf. Í gær lögðum við draumablöðin, vonir og bænir á altarið í kirkjunni og báðum fyrir þeim. Ég trúi að Guð heyri bænir um gott líf og verð bjartsýnn á framtíðina þegar ég hitti fermingarungmenni. Unga Ísland stefnir á lífsleikni og hamingju. Kirkjan stendur með lífinu og Guð lætur drauma rætast. Viltu birta grein á Vísi? Sendu okkur póst. Senda grein Sr. Sigurður Árni Þórðarson Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun
Eitt hundrað og sjötíu augu horfðu dreymandi. Spurningar hljómuðu: Hvernig viltu að líf þitt verði? Hvað langar þig til að framtíðin færi þér? Hvernig nám viltu stunda? Þú mátt velja þér fimm atriði sem þú óskar að rætist í lífi þínu. Hópur fermingarungmenna er þessa dagana á sumarnámskeiði í Neskirkju. Þau eru gagnrýnin, ærleg og óhrædd að ræða um gildi, Biblíutúlkun, samband trúar og vísinda, hlutverk Jesú og sögu hans, um skírn, altarisgöngu, ást, vonsku – já allt, sem varðar líf manna og lífslán. Síðasta fimmtudag fór ég með þeim í kirkjugarðinn við Suðurgötu í Reykjavík, Hólavallagarð. Garðurinn er friðarhöfn kynslóða, en líka sýnisstaður handverks nítjándu og tuttugustu aldar og safnstaður listaverka og einnig trjáræktarsögu höfuðborgarinnar. Mörg minningarmarkanna eru merkileg og á legsteini Ólafar frá Hlöðum er minnt á, að tárin eru mál gleði og sorgar. Fermingarungmenni eru sprelllifandi fólk vonanna. Flest þeirra eiga skyldmenni grafin í þessum garði. Unga fólkinu finnst einkennilegt að hugsa um að hin látnu voru jafn lífsglöð og þau sjálf, báru jafn mikið líf í brjósti og þau sem ganga stíga nútíðar. Í kirkjugarðinum var þetta nútímafólk sent í eingöngu, þau áttu að vera út af fyrir sig og skrifa eigin drauma um framtíðina. Hvað langar þig til að verði? Á draumablöðunum voru vonarmálin skrifuð. Sum dreymir um sigra í íþróttum og verða t.d. atvinnumenn í fótbolta. Önnur vilja gjarnan læra erlendis. Mörg vilja eignast stór hús og falleg heimili. Um tíu prósent fermingarungmenna vilja verða rík. Þetta árið vildu mörg verða lögfræðingar og læknar. Óvenjumörg vildu verða stjörnukokkar og hönnuðir. Allmörg stefndu á störf í viðskiptalífinu eða stofna eigin fyrirtæki. Mörg dreymir um að eignast hunda eða hesta. Þeim er líka umhugað um heilsu ástvina og biðja um að sleppa sjálf við áföll, krabbamein og slys. En hvað skiptir þau mestu máli, er þeim hamingjumál? Fjórðungur óskar eftir góðri menntun. Svipaður fjöldi óskar sér góðrar fjölskyldu. Og sami fjöldi talar um ósk um góðan maka. Þetta eru óskir um gott líf. Í gær lögðum við draumablöðin, vonir og bænir á altarið í kirkjunni og báðum fyrir þeim. Ég trúi að Guð heyri bænir um gott líf og verð bjartsýnn á framtíðina þegar ég hitti fermingarungmenni. Unga Ísland stefnir á lífsleikni og hamingju. Kirkjan stendur með lífinu og Guð lætur drauma rætast.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun