Fyrirsætur í hár saman á Twitter

Íraelska ofurfyrirsætan Bar Refaeli reitti samstarfskonu sína, Irinu Shayk, til reiði þegar hún birti skoðun sína á klippingu fótboltakappans Cristiano Ronaldo, kærasta Shayk, á Twitter. Refaeli var ekki par hrifin af hárgreiðslunni sem Ronaldo skartar á meðan hann spilar með portúgalska landsliðinu á EM í knattspyrnu og skrifaði á Twitter: „Það eina sem ég get hugsað um þegar ég sé Ronaldo er að það ætti að banna hárgel."

Shayk var ekki lengi að svara Refaeli á samskiptasíðunni og sagði henni að passa hvað hún segði. „Að vera vondur fer engum vel. Lærðu að elska," skrifaði Shayk sem greinilega líkaði ekki við gagnrýni á hárgreiðslu kærastans.

Refaeli var reyndar fljót að leita sátta og vingast aftur við kollega sinn. „Ég elska þig og ég elska kærastann þinn. Ég er bara ekki hrifin af hárgeli."