Klókur útgefandi

Þegar Haraldur Leví og unga útgáfufyrirtækið hans, Record Records, sömdu við Of Monsters and Men skömmu eftir að hljómsveitin vann Músíktilraunir vissu fáir af storminum sem var í aðsigi. Nema Haraldur sem var handviss um að hljómsveitin næði langt, sem nú hefur komið á daginn.

Hann er ekki hættur og hefur samið við hljómsveitina Retro Stefson um útgáfu á þriðju breiðskífu hljómsveitarinnar hér á landi. Haraldur er klókur, en Retro Stefson er eflaust einn af feitari bitum á markaðnum. Hljómsveitin er að gera gríðarlega góða hluti um þessar mundir og nýrrar plötu er beðið með mikilli eftirvæntingu.