Ný prinsessa fædd í Svíþjóð

Sænskir bakarar voru í allan gærdag önnum kafnir við að baka hefðbundnar prinsessutertur í tilefni fæðingar nýrrar prinsessu.

Viktoría krónprinsessa af Svíþjóð og Daníel prins eignuðust dóttur snemma í gærmorgun og hélt fjölskyldan heim frá Karolínska sjúkrahúsinu í Stokkhólmi til Haga-hallarinnar þegar í gærdag.

Gamlir og nýir stjórnmálaforingjar óskuðu Viktoríu og Daníel til hamingju á Facebook og Twitter og fréttavefir birtu uppskriftir af prinsessutertum. Terturnar höfðu nefnilega selst upp í bakaríum víða um land.- ibs