Lítrinn á 328 krónur

Listaverð á 95 oktana bensíni fór allt upp í 15 krónur í Ósló í Noregi í vikunni, sem jafngildir um 328 íslenskum krónum og hefur verðið aldrei verið hærra.

Í frétt á vefmiðlinum E24 segir að verðið hafi hækkað um tíu aura frá síðustu viku.

Þar segir jafnframt að útsöluverð gæti verið allt að krónu hærra í afskekktari byggðum landsins þar sem flutningskostnaður leggst ofan á verðið.

Opinberar álögur hafa einnig verið að hækka og tekur nú ríkið til sín um sjö krónur af hverjum seldum lítra.

- þj