Samsung kynnir sveigjanlegan snjallsíma

Tæknirisinn Samsung mun á næsta ári hefja fjöldaframleiðslu á byltingarkenndum snjallsíma með sveigjanlegum snertiskjá.

Samsung hefur haft raftækið í þróun síðustu misseri og eru nokkrir aðilar á vegum fyrirtækisins með símann í prófunum.

Tæknin er byggð á fjölliðum en nú þegar eru mörg efni í okkar daglega lífi úr þessu einkennilega efni. Nægir þar að nefna ýmis efni sem notuð eru í fatnaði og húsgögnum.

Innleiðing OLED tækninnar (Organic light-emitting diodes) í sjónvarpstækjum og snallsímum hefur rutt leiðina fyrir sveigjanlega snertiskjái.