Kastar mæðinni á Faktorý

Of Monsters and Men heldur tvenna tónleika á "heimavelli" sínum, Faktorý, 4. og 5. janúar. Hljómsveitin hefur verið á stöðugu tónleikaferðalagi um heiminn á þessu ári og heldur því áfram um miðjan nóvember þegar förinni verður heitið til Bandaríkjanna.

Tónleikaferðinni vestanhafs lýkur 19. desember en svo hefst spilamennskan aftur í Tókýó 23. janúar. Í millitíðinni ætla Nanna Bryndís Hilmarsdóttir og félagar að kasta mæðinni heima á Íslandi og halda þessa litlu tónleika á Faktorý. Aðdáendur Of Monsters and Men hér á landi hljóta að fagna tónleikunum. Samt sem áður er ljóst að mun færri munu komast að en vilja.