Setur sjálfa sig á lista yfir verst klæddu konurnar

Kim Kardashian er búin að hringja á tískulögguna og vill að hún handteki sig sjálfa. Kim klæddist gulum toppi fyrir stuttu og er aldeilis ekki ánægð með það uppátæki.

"Ég ætla að láta sjálfa mig á lista yfir verst klæddu konurnar fyrir þetta dress!" skrifar Kim á bloggið sitt. Hún keypti toppinn því henni fannst hana vanta smá lit í tilveruna.

"Þetta snið er ekki fyrir mig! Maður þarf að vera hærri og mjórri til að púlla þetta." Kim er þó ekki að stressa sig of mikið yfir þessum tískumistökum.

"Tíska snýst um að gera tilraunir til að reyna að finna sinn stíl og stundum bregst manni bogalistin. Spegillinn var að ljúga að mér þennan dag!"