Hagvöxtur í Kína minnkar milli ársfjórðunga

Hagvöxtur í Kína mældist 7,4 prósent á þriðja ársfjórðungi þessa árs, samanborið við sama tímabil í fyrra. Ársfjórðunginn á undan mældist hagvöxturinn 7,6 prósent, samanborið við árið á undan, og því er um lítilsháttar minnkun á hagvexti að ræða milli ársfjórðunga.

Í frétt breska ríkisútvarpsins BBC er sagt að tölur um gang mála í kínverska hagkerfinu, bendi til þess að hagvöxtur sé heldur að aukast nú í upphafi síðasta fjórðungs ársins. Það séu góðar fregnir fyrir stjórnvöld í Kína, og ekki síður heiminn allan, þar sem hið mikla hagvaxtarskeið í Kína, sem staðið hefur nær sleitulaust í meira en áratug, hefur mikil áhrif á gang mála í efnahagsmálum heimsins.

Sjá má frétt breska ríkisútvarpsins BBC hér.