Þróttarar báru sigur úr býtum í 1. deild kvenna

Þróttur er Íslandsmeistari kvenna í 1. deild en liðið hafði betur gegn HK/Víkingi í úrslitaleik deildarinnar, 1-0.

Valgerður Jóhannsdóttir skoraði eina mark leiksins strax á áttundu mínútu en bæði lið voru búin að tryggja sér sæti í Pepsi-deild kvenna.

Þróttur féll úr Pepsi-deildinni í fyrra en stoppaði stutt við í fyrstu deildinni. HK/Víkingur var síðast í efstu deild árið 2008.

Fylkir og KR féllu úr Pepsi-deild kvenna í ár en lokaumferð deildarinnar fór fram fyrr í dag.