Skaftafellssýsla: Sjóbirtingurinn mættur á svæðið

Veiðimenn sem voru við veiðar í Eldvatnsbotnum um helgina lönduðu 10 sjóbirtingum og vógu þeir frá fjórum upp í átta pund.

Á vef Stangaveiðifélags Reykjavíkur er greint frá veiðiferð nokkurra manna í Eldvatnsbotna. Voru þeir við veiðar í tæpar þrjár vaktir og veiddu á tvær stangir. Auk þess að veiða 10 sjóbirtinga fengu þeir enn lax og eina bleikju. Laxinn var minnstur fiskanna en hann vó á bilinu þrjú til fjögur pund. Allir fiskanrir tólf veiddust á Breiðunni og í Beygjunni.

Eins og áður hefur verið greint frá hér á Veiðivísi þá verður haldið sérstakt fræðslu- og kynningarkvöld á sjóbirtingssvæðum SVFR á morgun. Kynningin fer fram í nýjum húsakynnum SVFR í Elliðaárdal og hefst klukkan 20.

trausti@frettabladid.is