Helena Ólafsdóttir hætt hjá FH

Helena Ólafsdóttir er hætt þjálfun meistaraflokksliðs kvenna í knattspyrnu hjá FH. Þetta kemur fram í sameiginlegri yfirlýsingu hennar og meistaraflokksráðs Fimleikafélagsins sem birt var á heimasíðu félagsins í dag.

Helena stýrði liði FH til sigurs í 1. deild á síðustu leiktíð þar sem liðið vann alla deildarleikina. Liðið situr sem stendur í 7. sæti Pepsi-deildar kvenna með tíu stig. Liðið vann afar óvæntan 3-2 sigur á Breiðabliki í síðustu umferð deildarinnar en tapaði svo stórt, 6-1, gegn Val í Borgunarbikarnum á föstudagskvöldið.

Guðrún Jóna Kristjánsdóttir, sem aðstoðað hefur Helenu við þjálfun liðsins, tekur við stjórn FH-liðsins.



Yfirlýsinguna á vef FH má sjá hér.