Kaninn frá Þór kominn til ÍR

Eric James Palm, sem spilaði með Þór í næstefstu deild karla á síðustu leiktíð, hefur gengið frá samningum við ÍR. Breiðhyltingar halda áfram að styrkja lið sitt fyrir átökin í Iceland Express-deildinni á næstu leiktíð.

Í tilkynningu frá ÍR-ingum segir að mikils sé vænst af Palm á næstu leiktíð og ánægju líst yfir komu hans.

Hreggviður Magnússon gekk á dögunum frá samningi við ÍR-inga en Jón Arnar Ingvarsson er sem kunnugt er snúinn aftur í Breiðholtið og tekinn við þjálfun liðsins.