Bradley vann Pacquiao á stigum

Hnefaleikakappinn Timothy Bradley batt enda á 15 bardaga sigurgöngu Manny Pacquiao í Las Vegas í nótt.

Bradley vann bardagann á stigum en það þótti heldur umdeilt. Tapið nótt mun líklega hafa þær afleiðingar að Pacquiao mun ekki mæta Floyd Mayweather Jr. í hringnum á næstunni.

Bradley átti lengi vel í vandræðum með meiðsli í fótlegg en hann hélt bardagann út og vann að lokum sterkan sigur.

„Þetta var magnaður bardagi og gríðarlega erfiður," sagði Bradley eftir bardagann.

„Flest allar lotur voru virkilega jafnar. Til að byrja með réði Pacquiao ferðinni en ég tók síðan við síðari hluta bardagans."