Þór/KA með fullt hús eftir 1-0 sigur á KR-vellinum

Bandaríska stelpan Kayle Grimsley tryggði Þór/KA 1-0 sigur á KR á KR-vellinum í dag og eru norðankonur því eina liðið með fullt hús eftir tvær fyrstu umferðirnar í Pepsi-deild kvenna.

Kayle Grimsley skoraði eina mark leiksins á 58. mínútu en hún er 22 ára framherji sem kom til liðsins fyrir þetta tímabil.

Þór/KA vann 3-1 heimasigur á Íslandsmeisturum Stjörnunnar í fyrsta leik en liðið hefur nú tveggja stiga forskot á FH og Breiðablik sem koma í næstu sætum í deildinni. KR-konur eru með eitt stig í 7. sætinu.

Upplýsingar um markaskorara frá úrslit.net.