Hagnaður Goldman Sachs minnkaði um 52%

Hagnaður bandaríska bankans Goldman Sachs minnkaði um 52% á fjórða ársfjórðungi í fyrra miðað við sama tímabil árið áður. Þessi niðurstaða olli fjárfestum vonbrigðum og hafa hlutabréf í bankanum lækkað eftir opnun markaða vestan hafs.

Samkvæmt Reuters nam hagnaður Goldman Sachs á fjórða ársfjórðungi síðasta árs rúmlega 2,2 milljörðum dollara eða um 260 milljörðum kr. Á sama tímabili 2009 nam hagnaðurinn hinsvegar tæpum 4,9 milljörðum kr.

Það sem meðal annars olli þessu slæma gengi Goldman Sachs var að verulega dró úr fjárfestingabankastarfsemi bankans. Þar að auki má nefna risavaxna sekt sem bankinn greiddi eftir samkomulag við bandaríska fjármálaeftirlitið.

Þrátt fyrir að fjórði ársfjórðungur hafi verið töluvert undir væntingum fjárfesta var árið í heild ekki eins slæmt og ársfjórðungurinn hjá Goldman Sachs. Hagnaður ársins nam 39 milljörðum dollara sem er um 13% minna en árið áður. Hinsvegar var 2009 metár hjá bankanum og hagnaðurinn í fyrra er sá fjórði mesti í sögu bankans.