Apple til rannsóknar ásamt fimm risum

Hugbúnaðarrisinn Apple er nú til rannsóknar hjá Evrópusambandinu ásamt fimm útgáfufyrirtækjum, sem gefa út bækur og tímarit fyrir spjaldtölvur. Grunur leikur á verðsamráði, samkvæmt frásögn breska ríkisútvarpsins BBC.

Fyrirtækin sem um ræðir eru Hachette Livre, Penguin, Harper Collins, Simon & Schuster og Verlagsgruppe Georg von Holzbrinck. Fyrirtækin eru öll risar á markaði fyrir rafbækur

Markaður með rafbækur hefur farið ört vaxandi undanfarin misseri og er fastlega búist við því að hann muni margfaldast að stærð á næstu árum.