Ódýr snilld í eldhúsið

Ef þig langar að fríska aðeins upp á eldhúsið þitt, án þess þó að gera róttækar breytingar, þá eru glærar krukkur skemmtileg tilbreyting.

Hægt er að ná fram litum og áferð í eldhúsinu án þess þó að mála eða veggfóðra. Þetta kemur æðislega vel út ef þú ert með opnar hillur í eldhúsinu eins og sjá má á þessum myndum.

Fjárfestu í nokkrum glærum krukkum og settu krydd, kaffibaunir, tepoka eða hvað sem þér dettur í hug, til að ná fram litagleði og tilbreytingu. Gamlar sultu- og ostakrukkur í bland við nýjar í mismunandi stærðum koma einstaklega vel út.

Ef þú átt ekki gamlar krukkur heima þá eru þessar krukkur seldar út um allan bæ í Reykjavík. Þær fást til að mynda í Ikea, Sösterne Grene og ekki má gleyma Góða Hirðinum. Svo er líka voða krúttlegt að dúlla sér við að merkja þær. Þá er bara að kíkja í kryddhilluna og eldhússkápana og finna hvað þú vilt nota.

Facebooksíða Sæbjargar - Saja Interior Design