Heimir Örn: Raggi Njáls ætlar að koma með comeback ársins

Heimir Örn Árnason, leikmaður Akureyrar, sagði eftir jafntefli liðsins við FH í kvöld að Akureyringar lumi mögulega á leynivopni sem eigi eftir að reynast liðinu vel í deildinni í vetur.

Línumaðurinn Ásgeir Jónsson á enn eftir að spila sinn fyrsta leik með liðinu eftir að hann kom til félagsins í sumar og þá sagði Heimir einnig að von væri jafnvel á öðrum leikmanni til - Ragnari Njálssyni.

„Við eigum enn frábæran, hárlítinn línumann frá Aftureldingu sem kemur vonandi inn fljótlega. Svo má ekki gleyma Ragga Njáls sem ætlar að koma með comeback ársins. Það er margt að gerast fyrir norðan og hver veit nema að við verðum massívir mjög fljótlega.“

Lesa má umfjöllun um leikinn og viðtöl í heild sinni hér.