Sölvi Geir og Ragnar spiluðu 90 mínútur í tapleik

Sölvi Geir Ottesen og Ragnar Sigurðsson spiluðu allan leikinn með FC Kaupmannaghöfn sem tapaði 1-2 á heimavelli á móti þýska liðinu Hannover í Evrópudeildinni í kvöld. Leikurinn fór fram á Parken í Kaupmannahöfn

Dame N'Doye kom FC Kaupmannahöfn yfir á 67. mínútu úr eina alvöru færi heimamanna en Hannover svaraði með tveimur mörkum á þriggja mínútna kafla og tryggði sér 2-1 sigur.

Sölvi Geir og Ragnar stóðu sig vel í leiknum en þeir spiluðu saman í miðri vörn danska liðsins. Lars Stindl fór reyndar illa með Ragnar þegar hann skoraði sigurmark Hannover á snildarlegan hátt.

FCK-liðið er nú í 3. sæti riðilsins fjórum stigum á eftir Hannover 96 og    Standard Liege sem eru bæði með átta stig.