Adobe segir skilið við Flash

Bandaríski hugbúnaðarrisinn Adobe Systems tilkynnti í dag að fyrirtækið muni hætta þróun á Flash margmiðlunarhugbúnaðinum fyrir snjallsíma. Flash er þungamiðja fjölmiðlunar í stýrikerfum margra snjallsíma, þar á meðal í Android og BlackBerry.

Adobe mun þó halda áfram að þróa Flash fyrir tölvur.

Ekki má vænta nýrrar útgáfu af Flash fyrir farsímastýrikerfi en Adobe mun þó vinna að uppfærslum á núverandi útgáfum.

Í tilkynningu frá Adobe Systems kemur fram að fyrirtækið muni héðan í frá einblína á HTML5 ívafsmálið. Öll nýleg stýrikerfi styðja HTML5, þar á meðal iOS 5 en Flash hefur aldrei verið nothæft á símtækjum og spjaldtölum Apple tölvurisans.