Vettel vann og Red Bull liðið tryggði sér meistaratitil bílasmiða

Sebastian Vettel vann sinn tíunda sigur í Formúlu 1 á þessu keppnistímabili í dag. Hann kom fyrstur í endamark á kappakstursbrautinni í Yeongam í Suður Kóreu. Lewis Hamilton á McLaren varð í öðru sæti í mótinu og Mark Webber á Red Bull þriðji.

Með árangri ökumanna Red Bull liðsins í dag hefur liðið tryggt sér meistaratitil bílasmiða annað árið í röð.

Hamilton var fremstur á ráslínu í mótinu í dag, en Vettel komst framúr Hamilton í fyrsta hring og var Vettel í forystuhlutverki meira og minna eftir það, nema þegar staðan riðlaðist þegar ökumenn tóku þjónustuhlé til dekkjaskipta. Vettel kom liðlega 12 sekúndum á undan Hamilton í endmark.

Vettel tryggði sér titil ökumanna um síðustu helgi, en ennþá er barátta um annað sætið í stigamóti ökumanna. Fjórir ökumenn eiga möguleika á öðru sætinu, þegar þremur mótum er ólokið í Formúlu 1. Næsta mót verður á nýrri braut í Indlandi eftir hálfan mánuð.

Lokastaðan í mótinu í dag af autosport.com

1. Vettel Red Bull-Renault 1:30:01.994

2. Hamilton McLaren-Mercedes + 12.019

3. Webber Red Bull-Renault + 12.477

4. Button McLaren-Mercedes + 14.694

5. Alonso Ferrari + 15.689

6. Massa Ferrari + 25.133

7. Alguersuari Toro Rosso-Ferrari + 49.538

8. Rosberg Mercedes + 54.053

9. Buemi Toro Rosso-Ferrari + 1:02.762

10. Di Resta Force India-Mercedes + 1:08.602

Stig ökumanna Stig bílasmiða

1. Vettel 349 1. Red Bull-Renault 558

2. Button 222 2. McLaren-Mercedes 418

3. Alonso 212 3. Ferrari 310

4. Webber 209 4. Mercedes 127

5. Hamilton 196 5. Renault 72

6. Massa 98 6. Force India-Mercedes 49

7. Rosberg 67 7. Sauber-Ferrari 40

8. Schumacher 60 8. Toro Rosso-Ferrari 37