Katrín Ásbjörnsdóttir tryggði KR 2-1 sigur á Fylki og sæti í bikaúrslitaleiknum þegar hún skoraði sigurmark Vesturbæjarliðsins á 90. mínútu leiksins í undanúrslitaleik liðanna í Valitor bikar kvenna á Fylkisvellinum í kvöld. Þetta er í tíunda sinn sem KR-konur komast alla leið í bikarúrslitaleikinn en Fylkir átti möguleika á því að komast þangað í fyrsta sinn.
Staðan var 1-1 í hálfleik. Fylkiskonan Lidija Stojkanovic fékk á sig vítaspyrnu fyrir hendi á 9. mínútu leiksins en bætti fyrir það með því að skora jöfnunarmarkið á 26. mínútu. Ólöf Gerður Ísberg kom KR í 1-0 úr vítinu en mark Lidiju kom eftir hornspyrnu þegar hún fylgdi eftir skalla sínum í slá.
KR-liðið byrjaði vel en Fylkir tók síðan öll völd í leiknum í fyrri hálfleik. KR-liðið var sterkara í seinni hálfleik en það virtist vera að stefna í framlengingu þegar Katrín skoraði þetta mikilvæga mark.
Katrín hetja KR - tryggði liðinu sæti í bikarúrslitaleiknum í blálokin
Óskar Ófeigur Jónsson skrifar

Mest lesið

„Getum gengið stoltar frá borði“
Handbolti

Hamrarnir héldu Refunum í fallsæti
Enski boltinn

Aron og Bjarki Már gerðu sitt í París
Handbolti


Magnaður Sigvaldi sökkti Magdeburg
Handbolti


„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti


„Þú ert að tengja þetta við Rashford“
Enski boltinn