Breivik var á skrá norsku öryggisþjónustunnar

Nafn Anders Behring Breivik var á skrá öryggisþjónustu norsku lögreglunnar yfir Norðmenn sem átt höfðu viðskipti við pólskan eiturefnasöluaðila. Þetta kemur fram á vef norska miðilsins Verdens Gang.

Samkvæmt fréttinni fékk lögreglan listann í hendurnar í mars, en á honum voru nöfn um 60 Norðmanna. Kaup Breiviks eru sögð hafa verið upp á 121 norska krónu, sem samsvarar rúmum tvö þúsund og fimmhundruð íslenskum krónum. Það er hinsvegar ekki vitað hvað það var sem Breivik keypti.