Valskonur klárar í toppslaginn við Stjörnuna - myndir

Íslands- og bikarmeistarar Vals unnu sannfærandi 4-0 sigur á Fylki í Pepsi-deild kvenna í gærkvöldi. Valsliðið komst í 3-0 í fyrri hálfleik þar sem liðið spilaði frábæran sóknarleik.

Kristín Ýr Bjarnadóttir skoraði þrennu í fyrri hálfleik og nýjasti leikmaður Valsliðsins, Hólmfríður Magnúsdóttir, innsiglaði síðan sigurinn undir lok leiksins.

Valsliðið er þar með tveimur stigum á eftir toppliði Stjörnunnar en liðin mætast í einum af úrslitaleikjum Íslandsmótsins í næstu viku.

Haraldur Guðjónsson, ljósmyndari Fréttablaðsins og Vísis, var á leiknum á Vodafone-vellinum í gærkvöldi og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.