Vopnaðir vaktmenn komu í veg fyrir sjórán

Vopnaðir vaktmenn um borð í danska gasflutningaskipinu Stella Kosan komu í veg fyrir sjórán í gærdag.

Skipið var statt á Rauða hafnu og utan við vaktsvæði alþjóðlegs herskipaflota sem reynir að halda sjóránum í skefjum undan ströndum Sómalíu.

Tveir bátar með sjóræningjum komu að skipinu en í um 50 metra fjarlægð skutu vaktmennirnir viðvörunarskotum og sigldu sjóræningjarnir þá á brott. Stella Kosan er í eigu skipafélagsins J. Lauritzen og var að sigla með gas til Evrópu.