Formúlu 1 ökumenn dæmdir úr leik eftir framúrskarandi árangur

27. mars 2011 11:37

Kamui Kobayashi og Sergio Perez höfðu ekki ástæðu til að brosa svo blítt eftir að dómarar dæmdu bíla þeirra ólöglega eftir keppni. Mynd: Getty Images/Mark Thompson

Það var skammvinn gleði nýliðans Sergio Perez og Kamui Kobayahsi eftir ástralska kappaksturinn í dag. Þeir urðu í sjöunda og áttunda sætinu í mótinu, en dómarar mótsins dæmdu bíla þeirra ólöglega eftir keppni.

Ástæðan er sú að bílar þeirra voru ekki samkvæmt reglum hvað afturvæng varðar, samkvæmt frétt á autosport.com. Það grátlegast við þetta er að Kobayashi og Perez og Sauber liðið gladdist yfir árangrinum, sem þóttu góð skilaboð til japönsku þjóðarinnar á erfiðum tímum. Kobayahsi er japanskur.

Öll keppnislið voru merkt japönskum fánum og jákvæðum skilaboðum til keppenda. En dómarar skoðuðu bílanna og þetta er niðurstaðan. Úrslitin í mótinu eru því eftirfarandi eftir að árangur Kobayashi og Perez hefur verið þurrkaður út.

Sjá meira um málið

Lokaúrslit

1. Vettel Red Bull-Renault

2. Hamilton McLaren-Mercedes

3. Petrov Renault

4. Alonso Ferrari

5. Webber Red Bull-Renault

6. Button McLaren-Mercedes

7. Massa Ferrari

8. Buemi Toro Rosso-Ferrari

9. Sutil Force India-Mercedes

10. Di Resta Force India-Mercedes

Stigin

1. Vettel 25 1. Red Bull-Renault 35

2. Hamilton 18 2. McLaren-Mercedes 26

3. Petrov 15 3. Ferrari 18

4. Alonso 12 4. Renault 15

5. Webber 10 5. Toro Rosso-Ferrari 4

6. Button 8 6. Force India 3

Formúla Íþróttir