Pabbi Britney skipar henni í brjóstahaldara

Jamie Spears, pabbi söngkonunnar Britney Spears, hefur bannað henni að fara út úr húsi án þess að vera í brjóstahaldara. Upp á síðkastið hafa birst myndir af henni á förnum vettvangi þar sem sést iðulega í geirvörturnar í gegnum boli og skyrtur.

Þetta fer heldur betur fyrir brjóstið á pabba gamla, sem hefur forræði yfir Britney eftir að hún fór á taugum árið 2008. Þá rakaði hún meðal annars af sér hárið og svaf ekki í marga daga. Síðan þá hefur hann fylgst vandlega með hverju skrefi söngkonunnar og hjálpað henni að snúa við blaðinu.

Starfsfólki Britney hefur verið skipað að fylgja nýju brjóstahaldarareglunni eftir. Ef það klikkar verður starfsfólkið rekið, til að mynda eru öryggisverðirnir á síðasta séns fyrir að hafa klikkað á þessu hingað til.