Afkoma Alcoa veldur vonbrigðum

Að teknu tilliti til ákveðinna útgjalda varð hagnaður af rekstrinum upp á 1 sent á hlut en fjárfestar höfðu gert ráð fyrir að hagnaðurinn yrði 6 sent á hlut. Eftir að uppgjörið var birt í gær féllu hlutir Alcoa um 5,4% í utanmarkaðsviðskiptum.

Í frétt um málið á Bloomberg fréttaveitunni segir að sala Alcoa hafi minnkað um 4,5% á fjórðungnum og nam 5,43 milljörðum dollara. Athygli vekur að Alcoa þurfti að kaupa 207 þúsund tonn af áli á opna markaðinum til að standa við samninga við viðskiptavini sína.

John Stephenson hjá First Asset Investment í Toronto segir að uppgjörið valdi vonbrigðum þar sem álverð var hátt á á fjórðungnum. Þótt Alcoa hafi tekist að spara mikið í rekstri sínum hefur hátt orkuverð valdið vandamálum sem sést af því að félagið þarf að kaupa ál frá utanaðkomandi aðilum.

Kevin Lowery talsmaður Alcoa segir að félagið þurfi nú að kaupa og endurselja ál á hverjum ársfjórðingi til að mæta óskum viðskiptavina sinna.