Gosmökkur drap á öllum hreyflum breiðþotu

Það var árið 1982 sem menn gerðu sér grein fyrir því að eldgos gætu verið hættuleg flugvélum.

Þá var Boeing 747 breiðþota frá British Airways á leið frá Lundúnum til Auckland höfuðborgar Nýja Sjálands með 263 farþega.

Vélin var í farflugshæð þegar drapst á öllum fjórum hreyflum hennar hverjum á eftir öðrum.

Vélin missti mikla hæð en loks tókst að ræsa þrjá af hreyflunum aftur og vélin lenti heilu og höldnu í Jakarta í Indónesíu.

Rannsókn leiddi í ljós að hún hafði flogið inn í gosmökk frá eldfjallinu Galung-gung á eynni Jövu. Askan hafði stíflað hreyflana. Síðan hafa menn varann á í flugi þegar eldgos eru annarsvegar.