Sigurður: Það vill enginn að Haukar vinni

„Þetta er mjög svekkjandi og leiðinlegt að koma svona í þennan leik. Mér fannst þeir ekkert frábærir. Það var meira að við vorum lélegir sagði Valsarinn Sigurður „gleðigjafi" Eggertsson eftir leikinn gegn Haukum en Sigurður skoraði fjögur mörk í leiknum.

„Við leystum sóknina illa að mínu mati. Ég veit ekki hvað gerðist þarna um miðbik seinni hálfleiks. Við vorum ekki nógu ákveðnir í það minnsta," sagði Sigurður en er ekki erfitt að kyngja þessu tapi?

„Jú, ég get ekki neitað því. Það vill enginn að Haukar vinni. Það er bara leiðinlegt. Við erum á því að við séum betra lið en leiðinlegt að ná ekki að kalla það fram í dag. Við vorum betri í þrem leikjum af fimm en töpum samt. Fyrsti leikurinn sem við töpuðum var mjög dýr þegar upp er staðið. Ég vil samt óska Haukunum innilega til hamingju með titilinn."