Valsstúlkur geta landað Íslandsmeistaratitlinum í dag

Næst síðasta umferð Pepsi-deildar kvenna fer fram í dag en Íslandsmeistarar Vals geta þá innsiglað titilvörn sína þegar botnlið Keflavíkur kemur í heimsókn á Vodafonevöllinn.

Valur er með fimm stiga forskot á Breiðablik, Þór/KA og Stjörnuna og nægir því í raun og veru jafntefli í leiknum vegna yfirburða stöðu sinnar í markatölu af liðunum fjórum en Valsstúlkur verða að teljast líklegar til þess að vinna leikinn enda Keflavík tapað öllum sextán leikjum sínum í deildinni í sumar.

Leikir kvöldsins hefjast allir kl. 17.30:

Valur-Keflavík

Stjarnan-Fylkir

Þór/KA-Afturelding/Fjölnir

ÍR-Breiðablik

GRV-KR