N1-deild kvenna: Florentina frábær í sigri Stjörnunnar

Stjarnan vann góðan 21-26 sigur gegn Fram í Framhúsinu í miklum baráttuleik en staðan í hálfleik var 8-12 Stjörnunni í vil.

Leikurinn var jafn framan af en þegar um tíu mínútur voru liðnar af leiknum small varnarleikurinn hjá Stjörnunni og Florentina Stanciu lokaði markinu.

Stjörnustúlkur breyttu stöðunni úr 3-3 í 3-6 og litu héldu forystunni í 3-4 mörkum út hálfleikinn en þegar flautað var til hálfleiks var staðan 8-12 gestunum í Stjörnunni í vil.

Framstúlkur byrjuðu seinni hálfleikinn af krafti og minnkuðu muninn strax niður í tvö mörk en sem fyrr reyndist Florentina þeim erfið. Íris Björk Símonardóttir varði einnig mjög vel í marki Fram og því var leikurinn hnífjafn.

Í stöðunni 14-15 fór Stjörnuvélin hins vegar aftur í gang og á skömmum tíma var staðan orðin 14-18. Þegar tíu mínútur lifðu leiks var enn fjögurra marka munur, 16-20, en Framstúlkur neituðu að gefast upp.

Það reyndist Framstúlkum hins vegar um of að missa tvo leikmenn útaf í tvær mínútur með stuttu millibili í stöðunni 18-20. Stjörnustúlkur nýttu sér liðsmuninn vel og sigldu sigrinum rólega í höfn á lokamínútunum.

Lokatölur urðu 21-26 í miklum baráttuleik. Alina Tamasan var markahæst hjá Stjörnunni með 8 mörk en Florentina Varði 31 skot í markinu. Hjá Fram var Karen Knútsdóttir markahæst með 7 mörk en Íris Björk Símonardóttir varði 21 skot í markinu.

Tölfræðin:

Fram-Stjarnan 21-26 (8-12)

Mörk Fram (skot): Karen Knútsdóttir 7/1 (14/2), Marthe Sördal 4 (5), Ásta Birna Gunnarsdóttir 2 (2), Guðrún Þóra Hálfdánsdóttir 2 (4), Eva Hrund Harðardóttir 2 (4), Stella Sigurðardóttir 2 (12), Hafdís Inga Hinriksdóttir 1 (1), Anna María Guðmundsdóttir 1 (2), Hildur Þorgeirsdóttir 0 (9)   

Varin skot: Íris Björk Símonardóttir 21 (25/4, 46%), Helga Vala Jónsdóttir 0 (1/1, 0%)

Hraðaupphlaup: 4 (Guðrún Þóra 2, Stella, Hafdís Inga)

Fiskuð víti: 2 (Stella 2)

Utan vallar: 6 mínútur

Mörk Stjörnunnar (skot): Alina Tamasan 8/3 (17/4), Aðalheiður Hreinsdóttir 4 (5), Elísabet Gunnarsdóttir 4/1 (6/1), Harpa Sif Eyjólfsdóttir 3 (10), Jóna Sigríður Halldórsdóttir 2 (3), Þórhildur Gunnarsdóttir 2 (3), Þorgerður Anna Atladóttir 2 (8), Kristín Clausen 1 (1).

Varin skot: Florentina Stanciu 31/1 (21/1, 60 %)

Hraðaupphlaup: 5 (Jóna Sigríður 2, Aðalheiður, Kristín, Elísabet)

Fiskuð víti: 5 (Þorgerður Anna 2, Elísabet, Harpa Sif, Jóna Sigríður)

Utan vallar: 6 mínútur