Pacquiao fagnaði sigri gegn Cotto

Manny Pacquiao undirstrikaði í nótt að hann er besti boxari heims pund fyrir pund er hann stöðvaði Miguel Cotto í lokalotunni er þeir börðust í Las Vegas.

Þetta var sjöundi heimsmeistaratitill Pacquiao í sjö þyngdarflokkum. Pacquiao sýndi enn eina snilldarframmistöðuna og virtist engu breyta að hann hefði þurft að hækka sig um þyngdarflokk.

Bardaginn stóð fyllilega undir væntingum og fór næstum því alla leið en barsmíðar Pacquiao undir lokin voru það miklar að dómarinn neyddist til að stöðva bardagann.

Cotto náði að veita Pacquiao skráveifu framan af en þegar upp var staðið var sigur Pacquiao afar öruggur.

Þetta var annað tap Cotto á ferlinum.