Ribery: Hef alltaf sagt að ég vilji spila á Spáni

Frakkinn Franck Ribery var sterklega orðaður við félagaskipti frá Bayern München í sumar en þrátt fyrir að eftirspurnina eftir þjónustu vængmannsins hafi ekki skort þá varð ekkert úr því að hann færi frá þýska félaginu.

Ribery heldur þó fast í draum sinn um að spila í spænsku úrsvalsdeildinni.

„Ég hef alltaf sagt að ég vilji spila á Spáni. La liga er uppáhalds deildin mín," segir Ribery í nýlegu viðtali við AS en það er spurning hvort að spænsku félögin Real Madrid og Barcelona muni gera aðra tilraun til þess að fá Ribery þegar félagsskiptaglugginn opnar að nýju í janúar?