Trezeguet neitaði United og Liverpool

Franski markaskorarinn David Trezeguet hjá Juventus framlengdi samning sinn við ítalska félagið til ársins 2011 á dögunum en hann hefur nú gefið upp að hann hafi neitað tilboðum bæði Manchester United og Liverpool á Englandi og Barcelona á Spáni.

"Pabbi minn (og umboðsmaður) sagði mér að ég hefði fengið álitleg tilboð frá Manchester United, Liverpool og Barcelona en um leið og ég fann loksins fyrir áhuga Juventus á að halda mér - samþykkti ég strax að vera áfram," sagði Trezeguet.