Líkur á nýju tilboði í Dow Jones

Philadelphia Media Holding, útgáfufélag dagblaðsins Philadelphia Inquirer, er sagt hafa hug á að bjóða í bandaríska útgáfufélagið Dow Jones á móti fjölmiðlajöfrinum Rupert Murdoch.

Að sögn Trian Tierney, forstjóra útgáfunnar, myndi félagið leggja fram jafn hátt boð í Dow Jones og Murdoch, sem hljóðar upp á fimm millarða dala, jafnvirði rúmra 320 milljarða íslenskra króna.

Bancroft-fjölskyldan, sem er stærsti hluthafi Dow Jones á enn eftir að ákvörðun um tilboð Murdochs, sem hann gerði í félagið í byrjun maí. Viðræður hafa þó staðið yfir við Murdoch án teljandi niðurstöðu. Verkalýðsfélög starfsmanna hjá Dow Jones, sem meðal annars gefur út samnefnda fréttaveitu og dagblaðið Wall Street Journal, eru andvíg yfirtökutilboðinu.

Tierney er bjartsýn á að tilboði Philadelphia Media Holding verði tekið því ólíklegt sé að Murdoch bjóði betur, að hans mati.