Skjalda -hættu að prumpa

Metan er einna sterkust af þeim gastegundum sem teljast til gróðurhúsalofttegunda. Það er 23 sinnum öflugra við að binda hita í gufuhvolfinu en kol-díoxíð. Vísindamenn segja ef hægt yrði að hafa stjórn á útblæstri metans væri það risastórt skref í því að draga úr loftslagsbreyttingum.

Meðal stórra metangas-losara eru kýr, en sem kunnugt er freta þær heil ósköp. Það á raunar einnig við um annan búpening, en kýrnar eru þó sýnu afkastamestar.

Líklega yrði erfitt að fá Skjöldu til að hætta að prumpa. Hinsvegar hafa vísindamenn fundið leiðir til þess að virkja metan úr skít hennar til rafmagnsframleiðslu á stórum kúabúum.

Á minni einingum er hægt að brenna skítinn og sleppa þannig út í loftið kol-díoxíði, sem er mun hættuminna en metanið.